అంతా అబద్దమే, అంతా మోసమే. చిన్నప్పటి నుండి మనుషులంతా ఒక్కటే, కుల, మత బేధాలు లేని దేశం మనది అని వొత్తి మరీ చెప్పారు. ప్రతీ మహిళ మన తోబుట్టువు అన్నారు. ఒక్కడికి కష్టమొస్తే పది మంది పరిగెత్తుకొస్తారు అన్నారు. గురువును దేవుడిలా చూసే సంస్కృతి అన్నారు. పెద్దలకు గౌరవమిచ్చే దేశమన్నారు. అన్నీ వట్టి మాటలే. అదే నిజమని నమ్మి పెరిగిన నాకు ఇప్పుడిప్పుడే అర్ధమవుతోంది, అక్కడ చెప్పింది వేరు, ఇక్కడ జరుగుతోంది వేరు. ఎవడికీ నీతుల్లేవు ఇక్కడ,  అందరూ చెడిపోయారు. జీవితంలో భార్యకి తప్ప ఇంకో ఆడదానికి చోటు లేదు అని నీతులు వల్లించే మాస్టార్లు ఎన్ని సార్లు వేరే అమ్మాయిల్ని తలుచుకున్నారో. శరీరానికి ఉన్న పవిత్రత మనుసుకు లేదంటారేమో. తండ్రి అప్పు చేసి, నానా కష్టాలు పడి చదివించిన కొడుక్కి మెడిసిన్ లో సీటు రాదు ఎందుకంటే “కులం”. నాకు తెలుసు ఆ సీటు పొందే అర్హత నాకంటే ఆ కుర్రాడికే ఎక్కువుందని, కానీ నా నోరు పెగలదు. డాక్టర్ అవ్వాలసినోడు లెక్చరర్ అయ్యాడు, కేవలం నా వల్ల, అతని పుట్టుక వల్ల, అయినా నాకేం పట్టదు. ఒక ముసలాయన పింఛను కోసం నా దగ్గరికొస్తే వెయ్యి రూపాయలు లంచమడిగిన అటెండరుని నేను. ముసలోడు ఎక్కడ పొతే నాకే, నా పిల్లల కాన్వెంటు ఫీజుకి కావలసిన వెయ్యి రూపాయలు నాకు దొరికాయి. అయినా నాకు సిగ్గు లేదు. బస్టాండులో ఒకమ్మాయిని కిందా మీదా అసహ్యంగా చూసిన పోరంబోకుని నేను, అయినా నా చెల్లిని ఎవడో ఒకడు చూడట్లా, నాకెందుకు కంపరం, అలవాటే ఇదంతా నాకు. హనుమాన్ జయంతి నాడు మజీదు గుండా వెళ్తూ ముసల్మానుల్ని రెచ్చగొట్టే నినాదాలు చేసే నాకెందుకండి అసహ్యం, చూసే మీకుండాలి గాని. ఓటుకు రెండు వేలు తీసుకొని వేరే పార్టీకి ఓటేసిన నాకంటే విశ్వాసపాత్రుడు ఇంకెవడున్నాడండి. ఓ పెద్ద చెప్పొచ్చారు అందరూ, ఇక్కడ ఎవడికి ఎవడి మీద ప్రేమ లేదు, ఒక వేళ కొద్దో గొప్పో ఉన్నా ఇంకొద్ది రోజుల్లో చచ్చిపోద్ది, చంపేస్తాం. 

అయినా, మనుషుల్ని చంపితే కేసులు గానీ మనసుల్ని చంపితే ఎవడేం పీకుతాడట. 

#ఈశ్వర

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s